Պատգամավոր Արթուր Սարգսյանը կմնա տնային կալանքի տակ. դատարանը մերժել է բողոքը

ՀՀ վերաքննիչ քրեական դատարանը՝ դատավոր Ա. Մաթևոսյանի նախագահությամբ, մերժել է ԱԺ պատգամավոր Արթուր Սարգսյանի պաշտպանների ներկայացրած բողոքը։

Սա նշանակում է, որ պատգամավորը կշարունակի մնալ տնային կալանքի տակ։ Պաշտպանական կողմը պահանջում էր վերանայել առաջին ատյանի դատարանի որոշումը, որով երկարաձգվել էր կալանքի ժամկետը, սակայն Վերաքննիչ դատարանը բողոքը հիմնավոր չի համարել։