Պարտքի տակ կորում ենք. պետբյուջեի ամեն 8-րդ դրամը գնում է տոկոսներին

Հայաստանի պետական պարտքի սպասարկման բեռը վերջին տարիներին աճել է մտահոգիչ տեմպերով։ Եթե 2011 թվականին պետական բյուջեի մոտ 5%-ն էր ուղղվում պարտքերի սպասարկմանը, ապա այսօր այդ ցուցանիշը հասել է ավելի քան 12%-ի։

Սա նշանակում է, որ պետության յուրաքանչյուր ութերորդ դրամը ծախսվում է ոչ թե բանակի հզորացման, կրթության կամ առողջապահության, այլ նախկինում վերցված պարտքերի մարման վրա։ «Երբ պետությունը սկսում է ապրել այս տրամաբանությամբ, դա արդեն ոչ թե զարգացման, այլ ֆինանսական կախվածության ճանապարհ է»,- նշում է Տիգրան Գալստյանը։