ՄԻՊ-ն ընդունել է Ադրբեջանում պահվող հայերի հարազատներին. ի՞նչ է քննարկվել

Հայաստանի Մարդու իրավունքների պաշտպանը հանդիպել է Ադրբեջանում ապօրինի պահվող հայերի և անհայտ կորածների ընտանիքների անդամների հետ։ Սա այն թեմաներից է, որտեղ ամեն մի նորություն սպասված է ու հուզիչ յուրաքանչյուր հայի համար։

Հանդիպման ընթացքում քննարկվել են գերիների վերադարձի և գտնվելու վայրն անհայտ անձանց որոնողական աշխատանքների հետ կապված հրատապ հարցեր։ ՄԻՊ-ը լսել է հարազատների մտահոգություններն ու ներկայացրել այն քայլերը, որոնք ձեռնարկվում են միջազգային հարթակներում այս հարցը բարձրաձայնելու և լուծումներ գտնելու համար։