«Մենք Ռուսաստանի դեմ ոչինչ չենք անում». Ալեն Սիմոնյանը Մոսկվայում պատասխանել է Լավրովին

Մոսկվայում ընթացող բանակցությունների ժամանակ Ալեն Սիմոնյանը փորձել է ցրել Ռուսաստանի մտահոգությունները։ Նա հայտարարել է, որ Հայաստանը չի փորձում որևէ քայլ ձեռնարկել ընդդեմ Ռուսաստանի և շահագրգռված է երկկողմ կապերի զարգացմամբ։

Սակայն, Սիմոնյանը նաև հստակեցրել է, որ ՀԱՊԿ-ի մասով հարցերը դեռ օդում կախված են։ «Կան հարցեր, որոնց պատասխանները դեռևս չենք ստացել։ Դրանք բազմիցս բարձրաձայնվել են»,- նշել է նա։ Սա պատասխան էր Լավրովի այն դիտարկմանը, թե Մոսկվայի համար տարօրինակ է լսել «հյուսիսից եկող միֆական հարձակումների» մասին խոսակցությունները։ ՌԴ ԱԳ նախարարը նաև շեշտել է, որ ԵՄ անդամակցությունն ու ԵԱՏՄ-ն անհամատեղելի են, բայց իրենք կհարգեն Երևանի ընտրությունը։