«Ռուբեն Վարդանյանից բացի՝ մյուսներին ազատ կարձակեն». Արամ Սարգսյանի կանխատեսումը

«Հանրապետություն» կուսակցության նախագահ Արամ Սարգսյանը համոզմունք է հայտնել, որ Ադրբեջանում պահվող հայ գերիներն ու Արցախի նախկին ղեկավարները շուտով կարող են տանը լինել։ Ըստ նրա՝ խաղաղության համաձայնագրի ստորագրումից հետո Բաքուն, որպես «բարի կամքի դրսևորում», նրանց կհանձնի Հայաստանին։

Սակայն Սարգսյանը մի կարևոր բացառություն է անում։ Նրա խոսքով՝ Ռուբեն Վարդանյանի հարցն այլ հարթության մեջ է, քանի որ այն առավելապես առնչվում է Ռուսաստանի Դաշնությանը։ Մնացած բոլորի դեպքում քաղաքական գործիչը լավատես է և կարծում է, որ արտահանձնումը միայն ժամանակի հարց է։