«Մահաբեր շարասյուն». Փաշինյանի տեղաշարժը դարձել է հանրային անվտանգության լուրջ խնդիր

Վերջին շրջանում վարչապետ Նիկոլ Փաշինյանի տեղաշարժը և նրան ուղեկցող շարասյունը կրկին հայտնվել են սկանդալի կենտրոնում։ Փաստաբան Մելիքյանի խոսքով՝ վերջին ողբերգական միջադեպի ժամանակ իրականացված ուղևորությունը ոչ թե պետական գործառույթ էր, այլ զուտ քաղաքական գործունեություն, ինչն էլ ավելի է սրում հանրության դժգոհությունը։

«Ավտովթարի հետևանքով երեխաս մահացել է, զանգել էինք նախարարություն, ուղղաթիռ չէին տրամադրում»,- սրտաճմլիկ պատմությամբ կիսվել է քաղաքացիներից մեկը՝ ակնարկելով պետական համակարգի անտարբերությունը սովորական մարդկանց ողբերգության հանդեպ։

Այս ֆոնին «Հայաստան» խմբակցության պատգամավոր Քրիստինե Վարդանյանը հանդես է եկել կտրուկ քննադատությամբ՝ հրապարակելով յուրատեսակ «ուղեցույց» քաղաքացիների համար։ Նա հորդորում է հեռու մնալ Փաշինյանի «մահաբեր շարասյունից», փոխել ճանապարհը նրան տեսնելիս և երեխաներին հեռու պահել այդ տեսարաններից, որպեսզի խուսափեն հնարավոր վտանգներից ու տրավմաներից։