Լարվածություն դատարանում. Վարդան Ղուկասյանին բերեցին նիստերի դահլիճ

Այսօր դատարանում մեկնարկել է Վարդան Ղուկասյանի (հայտնի որպես «Դոգ») գործով հերթական դատական նիստը։ Իրավիճակը բավականին լարված է եղել հենց սկզբից. Ղուկասյանին դատարան են ուղեկցել ոստիկանության մեծաթիվ ուժեր։

Նիստի ընթացքում պաշտպանական կողմը բացարկի միջնորդություն է ներկայացրել դատավորին։ Փաստաբանների պնդմամբ՝ կա ողջամիտ կասկած, որ դատարանը կողմնակալ է և չի կարող ապահովել արդարադատություն։ «Դատարանը մերժում է ձեզ, նստե՛ք»,- այսպիսի ռեպլիկներով է ուղեկցվել գործընթացը, երբ կողմերի միջև վիճաբանություն է սկսվել։

Ղուկասյանի կողմնակիցները պահանջում են անհապաղ փոխել նրա խափանման միջոցը՝ պնդելով, որ կալանքը քաղաքական ենթատեքստ ունի։ Հիշեցնենք, որ Վարդան Ղուկասյանը մեղադրվում է մի շարք հոդվածներով, այդ թվում՝ շորթման և դատարանի նկատմամբ անհարգալից վերաբերմունքի համար։