Քաղբանտարկյալների հարցը՝ ԱԺ օրակարգում. ընդդիմությունը նոր նախագիծ է բերել

Ազգային ժողովի հանձնաժողովում այսօր մեկնարկել է ընդդիմադիր «Հայաստան» խմբակցության ներկայացրած նախագծի քննարկումը: Խոսքը Հայաստանում առկա քաղբանտարկյալների և նրանց խախտված իրավունքների վերականգնման մասին է:

Ընդդիմությունը պնդում է, որ երկրում կան մարդիկ, ովքեր անազատության մեջ են հայտնվել բացառապես իրենց քաղաքական հայացքների համար: Նախագծով առաջարկվում է իրավական մեխանիզմներ ստեղծել նրանց իրավունքները վերականգնելու համար: Այս պահին քննարկումները շարունակվում են ուղիղ եթերում: