Ջեյ Դի Վենսը Հայաստան կգա Օլիմպիական խաղերից հետո. Թրամփի հատուկ հանձնարարականը

ԱՄՆ փոխնախագահ Ջեյ Դի Վենսի՝ տարածաշրջան սպասվող այցից նոր մանրամասներ են հայտնի դարձել: Իտալիա այցելելուց և Օլիմպիական խաղերի բացմանը մասնակցելուց հետո Վենսը կժամանի Հայաստան և Ադրբեջան:

Հաղորդվում է, որ նախագահ Դոնալդ Թրամփը նրան հատուկ հանձնարարական է տվել՝ մշակել մի համաձայնագիր, որը վերջ կդնի երկու երկրների միջև արդեն չորս տասնամյակ ձգվող հակամարտությանը: Սա խոսում է այն մասին, որ Վաշինգտոնը մտադիր է անձամբ և բարձր մակարդակով զբաղվել խաղաղության պայմանագրի կնքմամբ: