Իրանն իր ձեռքն է վերցրել Հորմուզի նեղուցի վերահսկողությունը. ԻՀՊԿ-ի հայտարարությունը

Իրանի Իսլամական հեղափոխության պահապանների կորպուսը (ԻՀՊԿ) պաշտոնապես հայտարարել է, որ այսուհետ լիակատար վերահսկողություն ունի Հորմուզի նեղուցում նավագնացության նկատմամբ։ Սա տեղի է ունենում տարածաշրջանում ընդհանուր լարվածության ֆոնին, երբ Իրան-ԱՄՆ հարաբերությունները մնում են ծայրահեղ սրված։

Ինչու է սա կարևոր։ Հորմուզի նեղուցը համարվում է աշխարհի ամենակարևոր ջրային ուղիներից մեկը, որով տեղափոխվում է համաշխարհային նավթի զգալի մասը։ Իրանի կողմից նման «լիակատար վերահսկողության» մասին հայտարարությունը կարող է նոր ալիք բարձրացնել համաշխարհային շուկայում և քաղաքական դաշտում։

Հիշեցնենք, որ ավելի վաղ հայտնի էր դարձել Իրան-ԱՄՆ բանակցությունների ձախողման մասին։