Ադրբեջանցիները քանդել են Ստեփանակերտի Սուրբ Հակոբ եկեղեցին. Արցախի թեմի արձագանքը

Ադրբեջանը շարունակում է իր վանդալիստական քաղաքականությունը Արցախի բռնազավթված տարածքներում։ Այս անգամ թիրախում է հայտնվել Ստեփանակերտի Սուրբ Հակոբ եկեղեցին, որը հիմնահատակ ավերվել է։

Արցախի թեմը խստորեն դատապարտում է այս գործողությունը և դիմում միջազգային հանրությանը։ «Կոչ ենք անում միջազգային համապատասխան կառույցներին միջամտել, դադարեցնել այս ակնհայտ վանդալիզմը և կանխել համաքրիստոնեական արժեք հանդիսացող Արցախյան հոգևոր-մշակութային ժառանգության ոչնչացումը»,- ասված է տարածված հայտարարության մեջ։

Սա հերթական փորձն է՝ ջնջելու հայկական պատմական հետքն ու մշակույթը Արցախից, ինչը պետք է արժանանա աշխարհի խիստ գնահատականին։