Իրանի շուրջ օղակը սեղմվում է. ԱՄՆ-ն սկսել է ծովային շրջափակումը

Իրավիճակը Մերձավոր Արևելքում հասել է պայթյունավտանգ կետի։ ԱՄՆ կենտրոնական հրամանատարությունը պաշտոնապես հայտարարել է Իրանի դեմ ծովային շրջափակում սկսելու մասին։ Թրամփի սահմանած վերջնագիրն արդեն սպառվել է, և այժմ Հորմուզի նեղուցով, Օմանի ծոցով ու Արաբական ծովով անցնող բոլոր նավերը, որոնք կփորձեն խախտել շրջափակումը, կկանգնեցվեն ու կկալանավորվեն։

Թեհրանն արդեն արձագանքել է այս կոշտ քայլին։ Իրանի ԶՈւ «Խաթամ ալ-Անբիա» շտաբից հայտնել են, որ եթե իրենց նավահանգիստները շրջափակվեն, ապա «Պարսից ծոցի և ոչ մի նավահանգիստ այլևս անվտանգ չի լինի»։ Ըստ էության, Իրանը սպառնում է թիրախավորել տարածաշրջանի բոլոր առևտրային հանգույցները։

Միևնույն ժամանակ, Հնդկաստանում Իրանի դեսպանը նշել է, որ Վաշինգտոնի հետ բանակցությունները հնարավոր են միայն այն դեպքում, եթե ԱՄՆ-ն ընդունի իրենց պայմանները՝ պատժամիջոցների վերացում և պատերազմական փոխհատուցումների վճարում։