Իրանը պահանջում է ապասառեցնել ակտիվները և հաստատել հրադադար Լիբանանում

Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ կողմերի միջև նախապես համաձայնեցված երկու առանցքային կետ դեռևս մնում է թղթի վրա։ Խոսքը Լիբանանում հրադադարի ռեժիմի հաստատման և մինչ բանակցությունների պաշտոնական մեկնարկը Իրանի արգելափակված ֆինանսական ակտիվների ազատման մասին է։

Ղալիբաֆի խոսքով՝ այս պայմանների իրականացումը սկզբունքային է հետագա գործընթացների համար։ Չնայած ձեռք բերված նախնական պայմանավորվածություններին, գործնական քայլեր այս ուղղությամբ դեռ չեն ձեռնարկվել, ինչը կարող է դանդաղեցնել տարածաշրջանային լարվածության թուլացմանն ուղղված ջանքերը։