Հրազդանի կիրճը կդառնա ժամանակակից հանգստի գոտի. Ավինյանը մանրամասներ է հայտնել

Երևանի քաղաքապետ Տիգրան Ավինյանը ներկայացրել է Հրազդանի կիրճի բարեկարգման հավակնոտ ծրագիրը։ Ըստ քաղաքապետի՝ կիրճը պետք է դառնա սոցիալական շփումների ու ակտիվ հանգստի կենտրոն։

Ծրագիրը ներառում է նոր ճարտարապետական լուծումներ, հարմարավետ զբոսայգի և հատուկ սպորտային հարթակներ։ «Սրճարանի պահանջը կար, կիրճում սպորտով զբաղվողների խնդրանքն էր»,- ասել է Ավինյանը։ Բացի այդ, նախատեսվում է ստեղծել կինոդիտման վայրեր, ինչը կիրճը կդարձնի էլ ավելի գրավիչ երևանցիների համար։