Հայկական դիրքերում ամրաշինական լայնածավալ աշխատանքներ են իրականացվում

ՀՀ Պաշտպանության նախարարությունը տեսանյութ է հրապարակել առաջնագծից, որտեղ երևում են իրականացվող ինտենսիվ ինժեներական աշխատանքները։

Զինծառայողները բարելավում են գոյություն ունեցող խրամատներն ու կրակակետերը, ինչպես նաև կառուցում են նոր՝ ավելի ամուր և անվտանգ պաշտպանական կառույցներ։ Ըստ ՊՆ մամուլի քարտուղարի՝ այս աշխատանքները կրում են շարունակական բնույթ և նպատակ ունեն բարձրացնել դիրքերի պաշտպանունակությունը ցանկացած եղանակային պայմաններում։