Հայաստանի մի շարք շրջաններում ձյուն է գալիս. Վարդենյաց լեռնանցքը դժվարանցանելի է

Գարնան կեսին ձմեռը որոշել է հետ գալ։ Սիսիանի, Գորիսի, Մարտունու և Արագածի տարածաշրջաններում այս պահին ձյուն է տեղում։

Ճանապարհային դեպարտամենտից զգուշացնում են, որ Վարդենյաց լեռնանցքը դժվարանցանելի է կցորդով մեքենաների համար։ Բացի այդ, Պուշկինի թունելում հոսանքազրկում է եղել՝ էլեկտրականության մատակարարման համակարգի խափանման պատճառով, ինչը լրացուցիչ խնդիրներ է ստեղծել վարորդների համար։