«Հայաստան» դաշինքը նոր պատգամավոր ունի. Գագիկ Համբարձումյանը մանդատ ստացավ

Ազգային ժողովի «Հայաստան» խմբակցությունում փոփոխություն է տեղի ունեցել։ Թափուր մնացած պատգամավորական մանդատը տրվել է Գագիկ Համբարձումյանին։

Հիշեցնենք, որ խմբակցության պատգամավոր Թադևոս Ավետիսյանի լիազորությունները դադարեցվել էին, քանի որ նա ընտրվել էր Մրցակցության և սպառողների շահերի պաշտպանության հանձնաժողովի անդամ։ Գագիկ Համբարձումյանը դաշինքի ընտրական ցուցակի հաջորդ թեկնածուն էր։