Ընտրությունների «մեկնարկը» տրվեց. ԿԸՀ-ն սկսել է փաստաթղթերի ընդունումը

Հունիսի 7-ին կայանալիք Ազգային ժողովի ընտրությունների գործընթացը մտնում է վճռական փուլ։ Կենտրոնական ընտրական հանձնաժողովն այսօրվանից սկսել է քաղաքական ուժերի գրանցման համար անհրաժեշտ փաստաթղթերի ընդունումը։

Բոլոր այն կուսակցությունները և դաշինքները, որոնք ցանկանում են մասնակցել ընտրապայքարին, պետք է մինչև ապրիլի 23-ը՝ ժամը 18:00-ն, ԿԸՀ ներկայացնեն իրենց համամասնական ցուցակները և օրենքով պահանջվող մյուս փաստաթղթերը։ Սա այն ժամանակահատվածն է, երբ վերջնականապես պարզ կդառնա, թե ովքեր են պայքարելու պատգամավորական մանդատների համար։