«Ընտրակաշառք է բաժանում». Փաշինյանի քարոզարշավը բուռն կրքեր է բորբոքել

Նիկոլ Փաշինյանի վերջին շրջայցերը հակասական արձագանքների են արժանանում: Մի կողմից համացանցում տարածվում են տեսանյութեր, թե ինչպես են քաղաքացիները գրկում ու սեր խոստանում վարչապետին, մյուս կողմից՝ Գյումրիում և այլ քաղաքներում մարդիկ դժգոհում են:

«Եթե պիտի թոշակ բարձրացներ, թող հունվարից բարձրացներ, հիմա ընտրությունների վախտն է եկել՝ նոր է հիշել»,- ասում է գյումրեցի թոշակառուներից մեկը՝ կատարվածը որակելով որպես ընտրակաշառք: Քննադատության սլաքները ուղղված են նաև վարչապետի ունեցվածքին. ընդդիմադիր հարթակներում նրան մեղադրում են կարճ ժամանակում միլիարդատեր դառնալու և երկիրը ձախողման տանելու մեջ: