Էջմիածինը «պատերազմ» է հայտարարում ՔՊ-ին. Եկեղեցին խստորեն դատապարտում է իշխանության ծրագիրը

Մայր Աթոռ Սուրբ Էջմիածինը հանդես է եկել կոշտ հայտարարությամբ՝ ուղղված «Քաղաքացիական պայմանագիր» կուսակցությանը։ Եկեղեցին մերժելի է համարում իշխող ուժի նախընտրական ծրագրում տեղ գտած այն կետերը, որոնք վերաբերում են Հայ Առաքելական Եկեղեցուն։

Ըստ Մայր Աթոռի՝ ՔՊ-ն իր ծրագրում ներառել է Եկեղեցու բարենորոգման, կանոնադրության վերանայման և նույնիսկ Ամենայն Հայոց Կաթողիկոսի հեռացման ու նոր ընտրությունների անցկացման կետեր։ Էջմիածնից շեշտում են, որ սա սահմանադրական կարգի և դավանանքի ազատության բացահայտ ոտնահարում է։

«Որդեգրված օրինախախտ գործելաոճն ազգավնաս է և բացարձակ անթույլատրելի։ Այն վտանգում է ազգային արժեհամակարգի հիմերը»,- ասված է հայտարարության մեջ։ Եկեղեցին հիշեցնում է, որ կաթողիկոսի ընտրությունը բացառապես հոգևոր տիրույթում է և դուրս է քաղաքական ուժերի իրավասությունից։