«Դուռը փակեց Փաշինյանի վրա». աղմկահարույց միջադեպեր վարչապետի մարզային այցի ժամանակ

Նիկոլ Փաշինյանի այցը Տաշիր և հարակից շրջաններ անցել է բավականին լարված մթնոլորտում։ Համացանցում տարածված տեսանյութում երևում է, թե ինչպես է քաղաքացիներից մեկը ցուցադրաբար փակում տան դուռը վարչապետի ու նրա թիկնապահների առաջ՝ հստակ հասկացնելով, որ չի ցանկանում շփվել իշխանության ներկայացուցիչների հետ։

Մեկ այլ ուշագրավ դրվագ է գրանցվել տաշիրցի մի տղամարդու հետ զրույցում։ Վերջինս բաց տեքստով դժգոհել է Հայաստանում տիրող աշխատավարձերի մակարդակից։ «Ռուսաստանում ամիսը 1.2 միլիոն եմ ստանում, իսկ էստեղ ամիսը 100 հազար մենակ կոմունալ եմ տալիս»,- ասել է բնակիչը։ Փաշինյանը փաստացի չի կարողացել հակադարձել քաղաքացուն՝ սահմանափակվելով միայն «լավ» արձագանքով։