«Բանակը երբեք այսքան լավ վիճակում չի եղել». Փաշինյանն ԱԺ-ում «շվեյկյան» մեջբերումներ է արել

Վարչապետ Նիկոլ Փաշինյանն այսօր Ազգային ժողովում մի շարք աղմկահարույց հայտարարություններ է արել։ Նրա խոսքով՝ Հայաստանի բանակը թե՛ սննդի, թե՛ սպառազինության ու բարոյահոգեբանական վիճակի առումով երբեք այսպիսի լավ վիճակում չի եղել։ «Մնացածն ով ինչ կասի՝ կարևորը զինվորների ու ծնողների արձագանքն է»,- նշել է նա։

Անդրադառնալով Ռուսաստանի կողմից գազի հնարավոր թանկացմանը՝ Փաշինյանը հիշել է հայտնի Շվեյկին. «Շվեյկն ասում էր՝ մորաքույրս տղամարդ լիներ, քեռի կասեի»։ Նա նաև շեշտել է, որ նոր Սահմանադրության ընդունման միակ ճանապարհը հանրաքվեն է, իսկ սահմանազատման հանձնաժողովները շարունակում են իրենց աշխատանքը։ Փաշինյանը նաև հավելել է, որ որոշ պրոցեսների կարգավորման համար տասնյակ տարիներ են պետք, և դա «ռուչնոյ տոռմուզ» քաշելով չի լինի։