Սկանդալ Ստամբուլում. Հույները Բյուզանդիայի դրոշն են պարզել Սուրբ Սոֆիայի տաճարում

Ստամբուլի Սուրբ Սոֆիայի տաճարում միջադեպ է գրանցվել, որը կարող է դիվանագիտական սկանդալի պատճառ դառնալ։ Երկու հույն երիտասարդներ ձերբակալվել են այն բանից հետո, երբ տաճարի ներսում փորձել են պարզել Բյուզանդիայի խորհրդանիշը հանդիսացող երկգլխանի արծվով դրոշը։

Թուրքական ոստիկանությունը արագ արձագանքել է և բերման ենթարկել նրանց։ Սա առաջին դեպքը չէ, երբ Սուրբ Սոֆիայի կարգավիճակի շուրջ կրքերը բորբոքվում են, հատկապես այն բանից հետո, երբ տաճարը վերածվեց մզկիթի։