Սկանդալ Ստամբուլում. հույն զբոսաշրջիկները Բյուզանդիայի դրոշն են պարզել Սուրբ Սոֆիայում

Ստամբուլի Սուրբ Սոֆիայի տաճարում միջադեպ է գրանցվել Հունաստանի քաղաքացիների մասնակցությամբ։ Երկու հույն զբոսաշրջիկ ձերբակալվել են այն բանից հետո, երբ տաճարի ներսում փորձել են լուսանկարվել Բյուզանդիայի դրոշով։

Թուրքական իշխանությունները սա որակել են որպես սադրանք։ Ոստիկանությունը բերման է ենթարկել զբոսաշրջիկներին հենց տաճարի տարածքում։ Հիշեցնենք, որ Սուրբ Սոֆիայի կարգավիճակի փոփոխությունը մշտապես լարվածության առիթ է դառնում Աթենքի և Անկարայի միջև։