Փաշինյանն ու ԱՄԷ նախագահը ձեռք ձեռքի տվեցին. Աբու Դաբիում նոր համաձայնագիր է ստորագրվել

Վարչապետ Նիկոլ Փաշինյանն Աբու Դաբիում հանդիպել է ԱՄԷ նախագահ Շեյխ Մուհամմադ բին Զայեդ Ալ Նահյանի հետ։ Հանդիպումը բավականին ջերմ է անցել, ու կողմերը քննարկել են երկու երկրների միջև տնտեսական կապերի խորացումն ու նոր ներդրումների հեռանկարները։

Հանդիպման առանցքային պահը եղել է առևտրի և ներդրումների մասին համաձայնագրի ստորագրումը, որը պետք է թարմ շունչ հաղորդի հայ-էմիրաթական տնտեսական հարաբերություններին։ Փաշինյանը նշել է, որ սրանով իր աշխատանքային այցն Էմիրություններ ավարտված է, ու արդյունքները գոհացնող են։