Փաշինյանը շնորհավորել է եզդիներին. «Մենք նույն ժողովրդի ներկայացուցիչն ենք»

Վարչապետ Նիկոլ Փաշինյանն այսօր հանդիպել է Հայաստանի եզդիական համայնքի ներկայացուցիչների հետ՝ շնորհավորելով նրանց Նոր տարվա՝ Մալաքե Թաուսի տոնի կապակցությամբ։

Փաշինյանը նշել է, որ ինքը Հայաստանի առաջին ղեկավարն է, ով այս ձևաչափով է հանդիպում համայնքին։ «Մենք տարբեր դավանանքների ու ազգերի ներկայացուցիչներ ենք, բայց մենք նույն ժողովրդի ներկայացուցիչն ենք։ Մեր բոլորի անձնագրերը մեզ տալիս են նույն իրավունքներն ու պարտականությունները, և յուրաքանչյուր քաղաքացի հավասարապես պաշտպանված է պետության կողմից»,- ասել է նա։