Փաշինյանը նոր Սահմանադրություն է ուզում, իսկ ժողովուրդը՝ նոր իշխանություն

Նիկոլ Փաշինյանը հերթական անգամ խոսել է նոր Սահմանադրություն ընդունելու անհրաժեշտության մասին։ Նրա պնդմամբ՝ ներկայիս արդարադատության համակարգը չունի օրգանական կապ ժողովրդի հետ, և դա պետք է փոխել։ «Մեր ռազմավարությունն է լավագույն ստանդարտներին համապատասխանող երկիր լինել», - նշել է վարչապետը։

Սակայն փողոցում պատկերն այլ է։ Կոտայքի մարզում անցկացված հարցումները ցույց են տալիս, որ մարդիկ հոգնել են խոստումներից։ Քաղաքացիները վարչապետին մեղադրում են ժողովրդին շանտաժի ենթարկելու և պատերազմով վախեցնելու մեջ։ «Հերթական սուտն է, ժողովրդին ահաբեկում է», - ասում են կոտայքցիները՝ պնդելով, որ իշխանափոխության դեպքում պատերազմի վտանգը կվերանա։