Փաշինյանը ԱԺ-ում. «Մենք ավելի անկախ ու անվտանգ ենք, քան երբևէ»

Ազգային ժողովում մեկնարկել են կառավարության կատարողականի լսումները, որտեղ ելույթ է ունեցել վարչապետ Նիկոլ Փաշինյանը։ Նա հայտարարել է, որ այսօր Հայաստանն ու Ադրբեջանը գտնվում են խաղաղության մեջ, որն արդեն ունի ուժեղ իրավական հիմք՝ ի դեմս սահմանազատման հանձնաժողովների կանոնակարգի։

Փաշինյանը որպես խաղաղության օրինակ բերել է Կիրանցը, որտեղ երեխաները դասի են գնում ու ֆուտբոլ խաղում Ադրբեջանից ընդամենը մի քանի տասնյակ մետր հեռավորության վրա։ Նա նաև շեշտել է, որ Հայաստանն այժմ ավելի ինքնիշխան ու ժողովրդավարական է, քան երբևէ։

Խորհրդարանական ընդդիմությունը՝ «Հայաստան» և «Պատիվ ունեմ» խմբակցությունները, չեն մասնակցել նիստին՝ բոյկոտելով վարչապետի ելույթը։