Իրանը պատերազմ չի ուզում, բայց կապիտուլյացիա էլ չի անի. Փեզեշքիանը զգուշացնում է

Իրանի նախագահ Մասուդ Փեզեշքիանը հայտարարել է, որ Թեհրանը չի ձգտում պատերազմի կամ անկայունության, սակայն ցանկացած փորձ՝ երկրին սեփական կամքը պարտադրելու, դատապարտված է ձախողման։ Ըստ նրա՝ Իրանի ժողովուրդը երբեք չի ընդունի կապիտուլյացիոն մոտեցումներ։

Միաժամանակ ԱԷՄԳ ղեկավար Ռաֆայել Գրոսսին ընդգծել է, որ Իրանի միջուկային ծրագրի շուրջ համաձայնությունն առանց մանրամասն ստուգման մեխանիզմների կլինի ընդամենը «պատրանք»։ Նրա խոսքով՝ տեսուչների ներկայությունը պարտադիր է ցանկացած իրական պայմանավորվածության համար։