Երուսաղեմը սպասում է Սուրբ Կրակի իջնելուն. հազարավոր ուխտավորներ հավաքվել են տաճարում

Երուսաղեմի Սուրբ Գերեզմանի եկեղեցում հավատացյալները շունչները պահած սպասում են տարվա կարևորագույն իրադարձություններից մեկին՝ Սուրբ Կրակի իջնելուն։

Այս պահին տաճարում և հարակից տարածքներում բազմահազար ուխտավորներ են հավաքվել ամբողջ աշխարհից։ Մարդիկ աղոթում են խաղաղության համար և հույս ունեն տեսնել աստվածային հրաշքը, որն ամեն տարի տեղի է ունենում Քրիստոսի Հարության տոնին ընդառաջ։