ԵՄ-ն նոր դիտորդներ է ուղարկում Հայաստան. ի՞նչ է սպասվում հաջորդ շաբաթ

Եվրոպական Միությունը պատրաստվում է ընդլայնել իր ներկայությունը Հայաստանում։ Բրյուսելում ԵՄ երկրների դեսպաններն արդեն ընդունել են Հայաստան նոր քաղաքացիական առաքելություն գործուղելու որոշումը։ Սա լինելու է երկրորդ նմանատիպ առաքելությունը, որի հիմնական նպատակը լինելու է Հայաստանի դիմակայունության ամրապնդումը հիբրիդային սպառնալիքներից։

Վերջնական հաստատումը սպասվում է հաջորդ շաբաթ՝ ԵՄ արտգործնախարարների նիստի ժամանակ։ Առաքելության մանդատի և կառուցվածքի վերաբերյալ մանրամասները հայտնի կդառնան շուտով, սակայն արդեն պարզ է, որ սա կարևոր քայլ է տարածաշրջանում ԵՄ դերի մեծացման տեսանկյունից։