Այսօր Կրկնազատիկ է․ Մայր տաճարում մատուցվում է Սուրբ Պատարագ

Այսօր Հայ Առաքելական եկեղեցին նշում է Կրկնազատիկը։ Մայր տաճարում և բոլոր եկեղեցիներում մատուցվում է Սուրբ և Անմահ Պատարագ։

Տոնը կոչվում է Կրկնազատիկ մեր կրկնակի հարության պատճառով։ Ըստ եկեղեցական խորհրդի՝ առաջին կիրակի օրը Քրիստոս մեզ հարություն տվեց Իր Հոգով, իսկ երկրորդ կիրակի օրը մեզ հարություն է տալու ըստ մարմնի, և մեռելներից հարություն առնելով՝ մարդիկ պիտի անմահանան։