34 տարի առաջ այս օրը տեղի ունեցավ Մարաղայի դաժան սպանդը. ԱԳՆ-ն հիշեցնում է ոճրագործության մասին

Այսօր լրանում է Մարաղա գյուղի ողբերգական իրադարձությունների 34-րդ տարելիցը։ 1992 թվականի ապրիլի 10-ին ադրբեջանական ստորաբաժանումները ներխուժեցին խաղաղ բնակավայր և իրականացրեցին նախապես ծրագրված սպանդ, որն իր դաժանությամբ ցնցեց աշխարհը։

Ըստ պաշտոնական տվյալների՝ սպանվել է ավելի քան 50 խաղաղ բնակիչ, այդ թվում՝ 30 կին։ Շուրջ 5000 մարդ բռնի տեղահանվել է, իսկ 29 կին և 9 երեխա պատանդ են վերցվել։ Մինչ օրս 19 հոգու ճակատագիրը մնում է անհայտ։ ՀՀ ԱԳՆ-ն ընդգծում է, որ այս ոճրագործությունները Սումգայիթի, Կիրովաբադի և Բաքվի ջարդերի շարունակությունն էին։ Միջազգային իրավապաշտպան կազմակերպությունները՝ Human Rights Watch-ը և Amnesty International-ը, ժամանակին արձանագրել են այս բռնությունները, սակայն համակարգված ատելությունն ու անպատժելիությունը շարունակում են վտանգ ներկայացնել տարածաշրջանի համար։